මුහුදේ අතරමංව සිටින රෝහින්ග්‍යා වැසියන් නිදහස් කිරීමට මිනිස් ජාවාරම්කරුවෝ මුදල් ඉල්ලති

බංග්ලාදේශයේ සිට බෝට්ටුවකින් මැලේසියාවට යාමට උත්සාහ කරන රෝහින්ග්‍යා සරණාගතයින් කප්පම් ඉල්ලා සිටින මිනිස් ජාවාරම්කරුවන් විසින් ප්‍රාණ ඇපයට ගෙන සිටින බව ඔවුන්ගේ පවුල් සහ ආධාර සංවිධාන කිහිපයක් පවසයි.

බංග්ලාදේශයේ කඳවුරුවල වෙසෙන රෝහින්ග්‍යා සරණාගතයින් කියා සිටියේ සිය ඥාතීන් මුහුදේ අතහැර යාම වැළැක්වීම සඳහා මුදල් ඉල්ලා ජාවාරම්කරුවන්ගෙන් දුරකථන ඇමතුම් ලැබී ඇති බවත් සමහර අවස්ථාවලදී ඔවුන් දූෂණයට හෝ ඝාතනයට ලක් කරන බවට ඒමගින් තර්ජනය කරන බවත්ය.

මාස හතරක් තායිලන්ත අක්වෙරළ කලාපයේ රැඳීසිටි රෝහින්ග්‍යාවරුන් සිය ගණනක් රැගත් බෝට්ටුවක් මේ වන විට දකුණු තායිලන්තයෙන් බැහැරව ඇති අතර ඒයට මැලේසියා මුහුදට ඇතුළුවීම කිහිප වතාවක්ම අවහිර කර ඇති බව මැලේසියානු ජ්‍යෙෂ්ඨ නාවික නිලධාරියෙක් පැවසීය. මැලේසියානු සමුද්‍රීය බලාත්මක කිරීමේ ඒජන්සියේ ප්‍රධානියා පවසන්නේ තායිලන්තයේ සහ මියන්මාරයේ මිනිස් ජාවාරම්කරුවන් මේ බෝට්ටුවේ සිටි රෝහින්ග්‍යා වැසියන්ට ආහාර හා ඉන්ධන ලබා දී ඇති බව ය.
මුස්ලිම් රෝහින්ග්‍යා වැසියන් මිලියනයකට වඩා වැඩි පිරිසක් බංග්ලාදේශයේ කඳවුරුවල වාසය කරන අතර ඉන් බහුතරය විශාල වශයෙන් මියන්මාරයේ 2017 හමුදාව විසින් මෙහෙයවන ලද මර්දනයෙන් මිදීමට පලා ගොස් ඇත. මියන්මාරයේ සිට විශාල වශයෙන් මුස්ලිම් සුළුතරයක සාමාජිකයන් වන රෝහින්ග්‍යා වැසියන් සිය ගණනක් බංග්ලාදේශයේ සරණාගත කඳවුරුවල ද හිංසා පීඩා විඳිති.

සුදත් කුඩාකුමාරගේ